હઝલ
** લાગે ભલે ને ત્રાસ , પ્રચારો કર્યા કરો
છે એ જ બસ વિકાસ !પ્રચારો કર્યા કરો
** આ જૂઠ ધીરે ધીરે પરમ સત્ય થઈ જશે
કરતા રહો પ્રયાસ , પ્રચારો કર્યા કરો
** પાણી નથી તો શું થયું ?વચનોના ધોધથી
ઠારો બધાની પ્યાસ , પ્રચારો કર્યા કરો
** જોજો કે ભલભલા ને એ આંજી નાખશે
વાણીનો આ વિલાસ , પ્રચારો કર્યા કરો
** સાચેજ સાવ દુધે અમે ધોયેલા છીએ !
જુઠ્ઠી છે સૌ તપાસ , પ્રચારો કર્યા કરો
- મુસાફિર પાલનપુરી
ટિપ્પણીઓ નથી:
ટિપ્પણી પોસ્ટ કરો