તમે તમારો નાસ્તો તૈયાર કરો તો બીજાનું વિચારજો
(કબૂતરના દાણાને ન ભૂલતા)
તમે તમારું યુદ્ધ આરંભો તો બીજાનું વિચારજો
( જે લોકો શાંતિ શોધે છે એમને ન ભૂલતા)
તમે પાણીનું બિલ ભરો તો બીજાનું વિચારજો
( જેઓ વાદળોના પાણી પર નભે છે)
તમે તમારા ઘરે પાછા ફરો તો બીજાનું વિચારજો
(છાવણીમાં રહેલા લોકોને ન ભૂલતા )
તમે ઊંઘતી વખતે તારા ગણો તો બીજાનું વિચારજો
(કે જેમની પાસે ઊંઘવાની કોઈ જગ્યા નથી)
તમે રૂપકમાં તમારી જાતને અભિવ્યક્ત કરો તો બીજાનું વિચારજો
(જેઓ બોલવાનો અધિકાર ગુમાવી ચુક્યા છે)
દૂર રહેલા લોકો વિશે વિચારો તો તમારી જાત વિશે પણ વિચારજો
(કહો:જો હું અંધકારમાં માત્ર એક મીણબત્તી હોત!)
- મહેમૂદ દરવેશ ( ૧૯૪૧-૨૦૦૮ પેલેસ્ટીનીયન રાષ્ટ્રીય કવિ )
અનુવાદ: મોહમ્મદ સઈદ શેખ
ટિપ્પણીઓ નથી:
ટિપ્પણી પોસ્ટ કરો